სანამ ევროკავშირი რუსეთის წინააღმდეგ სანქციების ახალ პაკეტს ამზადებს, აშშ-ის ფინანსთა სამინისტრომ გამოაცხადა, რომ სანქციებს უწესებს ორ მსხვილ რუსულ ნავთობკომპანიას: „როსნეფტსა“ და „ლუკოილს“. ვაშინგტონმა განაცხადა, რომ ეს ნაბიჯი გადაიდგა „რუსეთის მხრიდან უკრაინაში ომის დასრულების სამშვიდობო პროცესისადმი სერიოზული ვალდებულებების არარსებობის გამო“.
„ახლა დროა, შევაჩეროთ მკვლელობები და დაუყოვნებლივ გამოვაცხადოთ ცეცხლის შეწყვეტა. იმის გათვალისწინებით, რომ პრეზიდენტ პუტინი უარს ამბობს ამ უაზრო ომის დასრულებაზე, ფინანსთა სამინისტრო სანქციებს უწესებს რუსეთის ორ უდიდეს ნავთობკომპანიას, რომლებიც კრემლის საომარ მანქანას აფინანსებენ“, – განაცხადა ფინანსთა მინისტრმა სკოტ ბესანტმა.
